Her kan du sjå nokon av prosjekta våra

Vi kan utforme noko heilt nytt, eller vi kan utvikle vidare og løfte noko du allereie har etablert. Her er ulike eksempel på gjennomført arbeid av oss på TINDE.

Visuell profil og nettside for Mewinn – Coaching og kurs

Mewinn kom til oss som eit nystarta tilbod på Sunnmøre. Gjennom eit tett samarbeid og ein god prosess utvikla vi logo og visuell profil med tilhøyrande nettside og marknadsmateriell for Mewinn.

Nettside

På nettsida presentere Mewinn tenestane og kursa sine. Der var også eit behov for å dele meir info om coaching generelt, og i kva samanhengar dette kan nyttast. På sida blir det i tillegg delt nyheiter om coaching og om Mewinn sitt arbeid. På sida kan ein også melde seg opp på kurs.

Visuell profil

Den visuelle profilen inneheld logo, fargepalett, fontbruk, grafikk og foto (foto av Per Eide). Her ser vi logo og rollup.

Marknadsmateriell

For kurs og møter har Mewinn eigne omslagsmapper og eigne skriveblokker. Her ser vi også visittkort og DM.

Jubileumsbok for Jets Vacuum

Vi var så heldige å få oppdraget med jubileumsboka for Jets Vacuum då dei blei 25 år! Vi stod for utforming og trykk.

Boka blei skriven av Trudi Henrydotter Eikrem, og Jan Kenneth Steinsåker var biletredaktør.

Produktkatalog

For Arbiro utarbeida vi ein detaljert produkt- og priskatalog. Her ser du ulike oppslag frå katalogen.

Dr. Choice

Dr. Choice Omega-3 er ein høgkonsentrert molekylærdestillert olje som held ein høg kvalitet. For Dr. Choice har vi utforma etikettar og produktark på norsk og kinesisk.

Bøker

Vi har formgjeve fleire bøker oppgjennom tida. Her er eit lite utval av bøkene.

Sunnmørskyrkjene

Utgjeve av Bla Forlag.

52 Opplevingar på Sunnmøre

Utgjeve av SKALD Forlag

Rytmen mellom oss

Utgjeve av SKALD Forlag

Norsk Rutebilhistorie

Utgjeve av SKALD Forlag

Visuell profil for STP-Nor

Vi har utvikla logo, nettside, produktark, visittkort og bildekor for SPT-Nor.

Logosymbolet til SPT-Nor refererer til grøn resirkulering og reint vatn, og nytt liv. Logoen spelar også på den fysiske prosessen til produktet som STP-Nor arbeidde med. Rein, tydeleg og fleksibel profil for å dekke mange ulike behov.

Ulike produktark for dei ulike felta SPT-Nor dekte.

Enkel og tydeleg bildekor.

Vi har utforma ei mengde rollupar

Rollup er fortsatt eit mykje brukt produkt. Vi har lang erfaring i å utforme rollupar for kundane våre.

Her er eksempel på nokon av rollupane vi har utforma. Øverst ser du Dr. Holms, Sjøborg og Fotefar Temareiser, og under Aido, WestCoat og Mewinn.

Rom For Stil

Rom For Stil er ein nettbutikk som tilbyr eit nøye utval av møblar, belysning, tekstiler og dekorasjon. Vi fekk i opprag å lage ein trendy og fleksibel logo.

Logen har fleire variantar og kan også brukast som reint namnetrekk der det er ønskeleg.

Kjøkenkatalog

Det er alltid spanande å få vere med å presentere flotte produkt til eit publikum. Her har vi fått utforma kjøkenkatalogen for Kvalsvik, som har lange kvalitetstradisjonar.

John Gjerde - Rollup / Messe

Det var behov for eit fleksibelt visuelt system som kunne brukast på ulike messer over heile verda. Det skulle vere mogleg å skalere opp og ned i omfang – i alt frå enkle plakatar til fleire seksjonar og rollups.

Modulsystem

Alle modulane kan brukast på dei ulike produkta der alle modulane passar saman. Dette lagar eit fleksibelt system med eit tydeleg visuelt uttrykk.

Rollup med grønt fokus.

Enkle modular med produkt.

Plakat for Kathrins heimelaga kjøtpålegg

Ingen oppdrag er for små! Kathrin skulle på messe og ønskte ein salsplakat for pålegga sine.

Brandalsdagane

Brandalsdagane er ein familiefest som bygda Brandal inviterar inn til, kvart år. Den leikne festivalen har program for vaksne og barn, med sin eigen maritime ishavsvri. Vi har fått utforma visuell profil til festivalen.